2019 - 2020 శ్రీ వికారి నామ సంవత్సర మిధునరాశి రాశీ ఫలాలు

మిధున రాశి వారికీ శ్రీ వికారి నమ సంవత్సరం (ది.06-ఏప్రిల్-2019 నుండి ది.24-మార్చి-2020 వరకూ) ఆర్ధికంగా కలసి వచ్చును. ధనాదాయం బాగుండును. ఆరోగ్య పరంగా ఈ సంవత్సరం కలసి రాదు. యువ దంపతుల సంతాన ప్రయత్నాలు ఫలించును. నూతన ఉద్యోగ ప్రయత్నాలు లాభించును. నూతన వ్యాపార ఆలోచనలు కార్యరూపం దాల్చును. ఉద్యోగుల స్థానచలన ప్రయాతాలు విఫలమగును. అధికారుల వలన తీవ్ర ఒత్తిడులు ఎదుర్కొందురు. విదేశీ వ్యవహారములందు విజయం ఏర్పడును. మంచి ఆలోచనలు చేయుట, మాట నిలకడ కలిగి ఉండుట వలన మంచి గుర్తింపు, గౌరవ మర్యాదలు పొందేదురు. కుటుంబ భాధ్యతలు చక్కగా నిర్వహించగలరు. సొంత గృహ ప్రయత్నాలు లేదా గృహంలో నిర్మాణాత్మక మార్పులకు ఈ సంవత్సరం కలసిరాదు. చేతి వృత్తి నిపుణులకు గడ్డుకాలం. విద్యార్ధులకు మంచి ఉత్తీర్ణతా ఫలితాలు. వ్యాపార రంగంలోని వారికి చక్కటి లాభాలు. భాగస్వామ్య వ్యవహరాదులు నష్ట పరచును. కుటుంబ తగాదాలు పరిష్కారం అగును. పుణ్యక్షేత్ర సందర్శన చేయుదురు.

🪐 గురు గ్రహ ఫలితాలు (Jupiter Influence):

మిధున రాశి వారికి శ్రీ వికారి నామ సంవత్సరంలో గురువు మిశ్రమ ఫలితాలను కలుగచేయును. 03-నవంబర్-2019 వరకూ అనవసర తగాదాలు, వృధా ఖర్చులు, జీవిత భాగస్వామితో తగాదాలు లేదా ఆరోగ్య సమస్యలు ఏర్పరచును. 04-నవంబర్-2019 నుండి సొంత ఆరోగ్య సమస్యలను కలుగచేయును. అవివాహితులకు అతి చక్కటి సంబంధాలు వచ్చునట్టు చేయును. అవివాహిత మగవారికి మిక్కిలి పతిభక్తి కలిగిన జీవిత భాగస్వామి లభించును. అయితే వక్తిగత జాతకంలో గురు గ్రహం పాప సంబంధం కలిగి, నీచ స్థానాలలో ఉన్న మిధున రాశి వారికీ ఆయుర్ధాయ భంగములకు సూచనలు కలవు.

🪐 శని గ్రహ ఫలితాలు (Saturn Influence):

మిధున రాశి వారికి శ్రీ వికారి నామ సంవత్సరంలో శని గ్రహం మంచి ఫలితాలను ఇవ్వడు. 23-జనవరి-2020 వరకూ ఆర్ధికంగా మంచి ధనాదాయం కలుగచేయును. ప్రధమ కళత్ర నష్టం జరిగి, ద్వితీయ వివాహ ప్రయత్నాలు చేస్తున్న వారికి చక్కటి జీవిత భాగస్వామిని ఏర్పరచును. 24-జనవరి-2020 నుండి వారసత్వ పరంగా లభించిన భాగ్యంలో కొంత వ్యయం ఏర్పరచు సూచన. వ్యక్తిగతంగా పూర్ణ ఆయుర్దాయం కలుగచేయును.

🪐 రాహు - కేతు గ్రహ ఫలితాలు (Rahu & Ketu Influence):

మిధున రాశి వారికి శ్రీ వికారి నామ సంవత్సరంలో రాహువు - కేతువు ఇరువురూ మిశ్రమ ఫలితాలను కలగచేయును. మధ్య మధ్య ఆరోగ్య సమస్యలు, శరీర ధారుడ్య సమస్యలు వంటి సమస్యలు ఏర్పరచును.