2019 - 2020 శ్రీ వికారి నామ సంవత్సర కర్కాటకరాశీ రాశీ ఫలాలు

కర్కాటక రాశి వారికి శ్రీ వికారి నామ సంవత్సరం (ది.06-ఏప్రిల్-2019 నుండి ది.24-మార్చి-2020 వరకూ) మిశ్రమ ఫలితాలను కలుగచేయును. చేపట్టిన పనులలో విజయం ఏర్పడుతున్ననూ సంతృప్తి ఉండదు. కుటుంబంలో క్రమశిక్షణ లోపించును. సొంత గృహ కోరిక నెరవేరును. ఆశించిన వ్యక్తుల నుండి సహకారం అందదు. కుటుంబమున, సమాజమున గౌరవ హాని సంఘటనలు. సంతాన ప్రయత్నాలు చేయువారికి శుభ వార్త. ఆరోగ్యం జాగ్రత్తగా కాపాడుకోవాలి. వృత్తి జీవనం వారికి కొద్దిపాటి గడ్డుకాలం. విదేశీ ఉద్యోగ ప్రయత్నాలు, స్థానచలన ప్రయత్నాలు కలసి వచ్చును. కోర్టు విషయాలలో అనుకూలమైన తీర్పులు. వారసత్వ భాగ్యం కలసి వచ్చును. వ్యాపార రంగంలోని వారికి సామాన్య ఫలితాలు. వ్యాపార లక్ష్యాలను చేరుకొనుట కష్టం. వ్యాపారం మీద శ్రద్ధ అవసరం. మిత్రుల మీద భాద్యతలు పెట్టుట వలన నష్టపోవు సంఘటనలు కలవు. విద్యార్ధులు శ్రమించవలెను. నూతన విద్యకొరకు చేయు ప్రయత్నములందు పట్టుదల అవసరం. రాజకీయ నాయకులకు లాభవ్యయములు సమానం. అవివాహితుల ప్రయత్నాలు విఘ్నములతో విజయం పొందును.

🪐 గురు గ్రహ ఫలితాలు (Jupiter Influence):

కర్కాటక రాశి వారికి శ్రీ వికారి నామ సంవత్సరంలో గురువు 03-నవంబర్-2019 వరకూ చక్కటి సంతాన భాగ్యములను కలుగచేయును. పుత్ర సంతానానికి అవకాశములు అధికం. భూసంబంధమైన, గృహ సంబంధమైన వ్యవహారాలలో చక్కటి లాభాలను కలుగచేయును. 04-నవంబర్-2019 నుండి గురువు కలసి రాడు. రక్త సంబంధమైన లేదా నరముల సంబంధమైన ఆరోగ్య సమస్యలను కలుగచేయును. వ్యవహారములందు తగాదాలు ఏర్పడుచుండును.

🪐 శని గ్రహ ఫలితాలు (Saturn Influence):

కర్కాటక రాశి వారికీ శ్రీ వికారి నామ సంవత్సరంలో శని సంవత్సరం అంతా కలసి రాడు. నల్లని వస్తువల వలన సమస్యలను, శత్రుత్వాలను, ఆరోగ్య సమస్యలను, శని గ్రహం నీచ లేదా శత్రు స్థానంలో ఉన్న జాతకులకు ఆర్ధిక ఋణములను ఏర్పరచును. వ్యవసాయ రంగంలోని వారు నల్ల ధాన్యపు పంటలు వేయకూడదు. లోహ సంబంధ వ్యాపారములు చేయువారు అలోచించి నిర్ణయాలు తీసుకోవాలి.

🪐 రాహు - కేతు గ్రహ ఫలితాలు (Rahu & Ketu Influence):

కర్కాటక రాశి వారికి శ్రీ వికారి నామ సంవత్సరంలో రాహు - కేతువులు ఇరువురూ సంవత్సరం అంతా కలసిరారు. వ్యవహరపు చిక్కులను, శత్రువ్రుద్ధి, దుర్జన సహవాసముల వలన వృధా ధన వ్యయమును, అపఖ్యాతిని, వ్యక్తిగత జాతకంలో రాహు - కేతు దోషాలు కలిగిన వారికి పోలీసుల వలన ఇబ్బందులు, కోర్టు సమస్యలు, కారాగృహ ప్రాప్తి వంటి సమస్యలు ఏర్పడు సూచన.