• ఉత్తరాషాడ 2, 3, 4 పాదములు, శ్రవణం 1, 2, 3, 4 పాదములు, ధనిష్ఠ 1, 2 పాదములలో జన్మించినవారు మకర రాశికి చెందును.
• శ్రీ విళంబి నామ సంవత్సరంలో మకర రాశి వారికి ఆదాయం - 08 వ్యయం - 14 రాజపూజ్యం - 04 అవమానం - 05

మకర రాశి వారికి శ్రీ విళంబి నామ సంవత్సరం మంచి ధనలాభాలను కలుగచేయును. ఆశించిన ధనము సంపాదించుకొందురు. అదేవిధంగా వీరి చేతిపై ఖర్చు కూడా ఉండును. ఉద్యోగ జీవులు, వ్యాపారములు, ప్రొఫెషనల్ వృత్తులు వారు మంచి అభివృద్ధిని పొందును. వివాహ సంబంధాలు కుదురును. స్థానచలన ప్రయత్నాలు ఆటంకములను ఏర్పరచును. నిరుద్యోగులకు ఈ సంవత్సరం కలసివచ్చును. ఆశించిన ఉద్యోగం లభించును. జీవన పోరాటంలో జయం. కుటుంబ జీవనంలో స్త్రీలకు ప్రోత్సాహవంతమైన కాలం. వైవాహిక జీవనంలో సంతోషం. సంతాన భాగ్యం. కోర్టు వ్యవహారాలు అనుకూలం కాదు.

శ్రీ విళంబి నామ సంవత్సరంలో మకర రాశి వారికి గురు గ్రహం సంవత్సరం అంతా మంచి ఫలితాలు కలుగచేయును. ప్రజా పాలకులకు పేరు ప్రతిష్టలు, విద్యార్థులకు ఉన్నత విద్య, చక్కటి ధనార్జన, సంపద భాగ్యములు ఏర్పరచును. చేతివృత్తులు, కుల వృత్తి చేయువారికి అతి చక్కటి కాలం.